Bötersen Höperhöfen Jeerhof
Bötersen      Höperhöfen                 Jeerhof

Use Geschicht

Boitzen is in de ole Tied 1340, dat erste Mol in ene Urkun vörkommen. De Stamm vun den Ortsnomen kummt vun dat old-hochdüütsche „Buten“ oder „Putirik“, wat „Schlauch“ bedüden deit. De Endung up "sen" bzw. "husen" bzw. "hausen", wiest up de Tied twüschen 500 - 1000 n. Chr. hen. Üm 1770 veränner sick de Nomen in Boitersen. In de kurhannoverschen Landesupnohme kann een dat nohläsen. In een Koopverdrag vun 1358 steiht, dat Harm Schulte dat "Gut Bötersen" an Arp von Weyhe verköfft hett. In Mittelöller wörn de Buurn persönlich un wirtschaftlich nich free un se müssen Afgoben leisten.

In Boitzen geef dat in disse Tied Halfmeier un Köthner, de toers an de adligen Familien von Borg un von Schulte, un later an dat Kloster Zeben (Zeven) ehre Afgoben to leisten harn. 1770 gev dat de erste Vörstellung vun us Dörp un sien Utsehen. To sehen wör dat in de kurhannoverschen Landesupnahmen. Dat domalige Dörp stün dor, wo vundag de Mitt vun Boitzen is.

 

1966 hett man bi Booarbeiten in Boitzen eenige ole Fuersteern funnen. Bi noch mehr Utgrabungen hett man dor eene 'Kultfeuerstellenreihe' freeleggt, de ut 51 Gruben bestünn. Man kann dorvun utgahn, dat up Grund vun 'Gräberfeldern mit Urnenfunden' all üm 800 v. Chr. hier Minschen siedelt hebbt.

 

Dat Wappen vun use Gemeen hett up gollen Grund eenen fiefflammigen Füerstriepen as Schildhaupt, wat up de 'bronzezeitliche Feuerstellenreihe' in Boitzen hinwiest. Ünnen sünd dree uprechte, schwatte Sechen (Pflugschaare) to sehn. Düsse dree Sechen sünd dat Symbol för de dree Dörper Boitzen, Höperhöben un Jeehoff.

 

Dat Dörp Höperhöben is ton ersten Mool 1367 vörkoomen. In eene Urkunen vun Lüder von Tzarnhusen künn man nohlesen, dat in Boitzen un Hope (Höperhöben) je een Hoff ansiedelt wör.

 

Ut den Nomen Hope is de hüttige Nomen Höperhöben (Höperhöfen) entstohn. De Nomen Hope is nedderdüütsch un is de Utdruck vör "Hügel oder Anhöhe". Un dat Höperhöben hoch liggt, is nich to öbersehen.

 

De in use Gegend oft vörkommende Familiennomen Hops is woll uk ut den oolen Nomen Hope entstohn. Up den Hoff Höperhöben Nr. 6 levten siet Anfang 1600 veele Generationen de den Nomen Hops harn. Bit up den hüttigen Dag is de Familiennome noch in Höperhöben to finden.

 

Een poor Johr noh de erste Erwähnung vun Höperhöben, künn man uk wat öber Jeehoff (Jeerhof) nohläsen. Hier wör een Hoff ansiedelt un de Äcker löpen up "geer" ut. D. h. see wörn nich rechteckig sondern schräg anlecht. (Bi den Ort Jeersdorf bi Scheeßel schall dat uk so sien.)

 

In de Jordebööker vun den Kreis Rotenburg kann een wat öber den Stand un de Entwicklung vun Höperhöben nohläsen. Disse Bööker hett man 1692 - 1694 schreeben. Domols stünn dat Herzogtum Bremen-Verden ünner schwedische Herrschaft. In use Tied wör dat de Regierungsbezirk Stade.

 

 

Druckversion | Sitemap
© Gemeinde Bötersen